Карлыганыште балетым ончыктеныт
Марий Турек районысо Карлыган ялыште олмыктымо деч вара тӱвыра пӧртым почмаш кугу событийыш савырнен. Тидын лӱмеш тушто Чайковскийын «Щелкунчик» балетшым ончыктымо. Пел курым наре жапыште тоштемше тӱвыра пӧртым «Тӱвыра» калыкле проектлан кӧра олмыктен кертме. Тудым тӧрлымӧ годым тӱвыра министр, пашам пытарымеке, балетым кондаш сӧрен ыле. Молан манаш гын, олмыктымо деч вара сцена ятырлан кумдаҥын. Министр мутшым шуктен да Эрик Сапаев лӱмеш опера да балет театр тушко «Щелкунчикым» намиен.
