Демографий рейтингыште 38-ше верыште улына
Российысе регион- влакын демографий рейтингыштышт Марий Эл 38-ше верым айла. 2017-ше 2019-ше ийлаште республикыште калыкын чотшо 0 тичмашат 8 луаш процентлан шагалемын. Илыш гыч кайымылан кӧра кум тӱжем утла еҥлан, миграцийлан кӧра кок тӱжем утла еҥлан шагалрак лийын. Тыге республикыште калыкын чотшо 679 тӱжемат 400 еҥ марте шагалемын. Россий мучко пытартыш кум ийыште 24 субъектыште калык ешаралтын, 59 регионышто шагалемын. Кум кундемыште демографий сӱрет вашталтын огыл.
