Республикыштына 27-ше декабрь марте Кӱчык кино- влакын Кечышт тӱҥалын
Республикыштына 19-ше гыч 27-ше декабрь марте кӱчык кино- влакын Кечышт эрта. Декабрьын эн кӱчык кечылаштыже «Кӱчык метражан кинон Кечыже- влак» Тӱнямбал кинофестиваль пашажым тӱналын. Тудым «Мувистарт» продюсер рӱдер, Тӱвыра инициативын Президент фондшо да Российысе кинематографист- влакын Ушемышт полшымо дене эртара. Тений фестивальыште Российысе лӱмлӧ артист- влак Юрий Борисов, Константин Хабенский, Яна Поплавская, Константин Фисенко войзалтме кӱчык художественный да документал кино- влак ончыкталтыт. Кинопремьерылам Чавайн лӱмеш калыкле книгагудышто ончыктат. Тушто кажне кумылан еҥ оксам тӱлыде «Лишыл еҥ- влак», «Ик кечылан кугурак» фильмлам, «Пашан еҥже- влак» документал альманахым ончен кертыт. Расписанийжым книгагудын лаштыкыштыже пален налаш лиеш.
