Марий университетыште тунемше студенткын разработкыжо тӱнямбалне сай акым налын

Марий университетыште тунемше студенткын разработкыжо тӱнямбалне сай акым налын
               Марий университетыште тунемше студенткын разработкыжо тӱнямбалне сай акым налын. Медицина институтын кумшо курсыштыжо тунемше Захра Расех изобретений да инноваций технологийын «Архимед» Москосо 29-ше Тӱнямбал Салонышто шке изобретенийжым ончыктен- фиксироватлыше кольцевой вакуум зажимым. «Архимед» салон российысе  вӱдышӧ выставке гыч иктыже. Тушто шанче, технике да технологий аланыште эн у разработко- влакым ончыктат. Марий универсиетын студенткыжын келыштарымашыже операций деч вара ургымо годым кӧргашан органым фиксироватлаш ышталтын. Тудын тӱҥ цельже- ургымо пашам куштылемдаш да писемдаш да качествыжым кугемдаш виктарлтын. Захран ямдылымыже эксперт- влакын кумылыштым савырен. Тудын дене шанче технологий да шинчымаш рӱдерын еҥже- влак кылым кученыт, технологий разработко нерген возгалыше блогер интервьюм налын. Поснак кӱлешанлан академик Пирогов лӱмеш Рязаньысе кугыжаныш медицина университетын еҥже- влакын пырля тергымашым эртараш да кугу лабораторный животный дене технологийым сайын тергаш темлымаш лийын. Тыге мемнан студенткын шонен лукмыжо хирургийым вияҥдымашке кугу надырым пышта да ятыр илышым арален кодаш полша.
           Фото: Марий университет.

Прошлые выпуски