«Кубик Метри» спектакльын премьерыжлан «Шочмо ялем» фотоконкурсым эртарыме

«Кубик Метри» спектакльын премьерыжлан «Шочмо ялем» фотоконкурсым эртарыме
               Кодшо шуматкечын Шкетан лӱмеш марий дарме театр «Кубик Метри» лӱман у спектакльым сценыш лукто. Режиссер Василий Домрачев тудым Зинаида Долгован тыгаяк лӱман пьесыже почеш шынден. Тиде произведений кок ий ончыч марий драматургий конкурсышто икымше вер дене палемдалтын. А молан Кубик Метрий? Ончаш мийыше еҥ действий кайыме годым тогдая. «Тый Йошкарвуй Метрин Метрижын Метриже улат»,- манеш Аню Метрилан. Тыге лектын рвезылан лӱмедыш.
               «Кубик Метри» спектакльын премьерыжлан «Шочмо ялем» фотоконкурсым эртарыме. Тушко тӱрлӧ район гыч участник- влак ушненыт: Морко, У Торъял, Советский, Параньга, Куженер да Киров кундем гыч. Жюри тыгай иктешлымашым ыштен: Икымше вер Киров кундем Лопъял гыч Надежда Петровалан логалын, кокымшым Морко Смычка гыч Виктория Матвеева налын. кумшым У Торъял Изи Пызак гыч Юлиана Егошиналан пуымо. Тыгак жюри эше кум пашам ойырен коден. Морко Немецсола гыч Екатерина Галкинан, Параньга Олор гыч Клавидия Тарасован, тушечак Диана Никитинан пашаштым. Ынде лишыл жапыште «Кубик Метри» спектакльым 21-ше мартыште 16 шагатлан ончаш лиеш.
            Фото: Шкетан лӱмеш марий калыкле драма театр.

Прошлые выпуски