Йошкар-Олаште «Марий кеҥежлан» да Олан кечыжлан ямдылалтмашым каҥашат

Йошкар-Олаште «Марий кеҥежлан» да Олан кечыжлан ямдылалтмашым каҥашат
          Йошкар-Олаште «Марий кеҥежлан» да Олан кечыжлан ямдылалтмашым каҥашат. Мэрийыште икымняр кӱлешан йодышым каҥашыме: кодшо ийысе бюджетын лектышыже деч пале дата- влаклан ямдылалтмаш марте. Кызытак олаште тӱҥ событий –Олан кечыжлан ямдылалтмаш кая. Тудым 7-ше-9-ше августышто пайремлаш палемдыме.
           Посна тӱткыш «Марий кеҥеж» урем фестивальын концепцийжылан ойырымо. Мэрын алмаштышыже Людмила Новосёлова шукырак площадкым авалташ кӱлмӧ нерген ойлен. Нуным оласе тӱрлӧ ийготан еҥ- влак йӧратат. Повесткыште эше ик йодыш посна йодмашан йоча- влаклан школ деч ончыч шинчымашым пуымо пашам ямдылымаш лиеш.
            Тиддеч посна финанс виктемым вуйлатыше Галина Данилова 2025-ше ийыште парыш да бюджетым шуктымо лектыш нерген ойлен. Эн ончыч социал обязательствым да тӱзландарыме проект- влакым шукташ кӱлеш манын палемден. Чыла решенийжат олам ӱшанлын вияҥдаш да калыкын илышыжым саемдаш виктаралтыныт,- палемдат мэрийыште.
         Фото: Йошкар-Ола мэрий.

Прошлые выпуски