Михаил Мурашколан 85 ий теммым кугу фестиваль дене палемдат

Михаил Мурашколан 85 ий теммым кугу фестиваль дене палемдат
               Кундемыштына Михаил Мурашколан 85 ий теммым кугу фестиваль дене палемдат. 26-шо гыч 29-ше март марте Сеҥымашын 30-шо идалыкше лӱмеш тӱвыра полатыште куштызо да хореограф-постановщик- влакын «Михаил Мурашко йолташыже- влакым ӱжеш» 14-ше тӱнямбал фестиваль-конкурсышт лиеш. Мероприятий лӱмлӧ хореограф, марий калык-сцене хореографийлан негызым пыштыше, марий куштымашын школжым ыштыше, Россий сымыктышын сулло деятельже Михаил Мурашкон шочмыжлан 85 ий теммылан пӧлеклалтеш. Калык усталык рӱдерын ушештарымыже почеш конкурс-фестиваль 2011-ше ий гыч идалык еда эртаралтеш. Усталык коллектив, дуэт, посна куштызо- влак Моско, Башкортостан, Татарстан, Удмуртий, Киров, Липецк, Моско, Угарман, Самара, Тверь, Тюмень областьла, Пермь край да Марий Эл гыч погынат. Фестиваль кышкарыште «Марий Эл» кугыжаныш куштышо ансмабль, Санкт-Петербург гыч «Невские зори», Ульяновск гыч «Экситон» эстрада балет ончышо- влакым куандарат.
            Фото: Республикысе калык усталык рӱдер.

Прошлые выпуски