Марий Элыште вич врач илыме верым саемдаш кум миллион теҥге гыч налыныт

Марий Элыште вич врач илыме верым саемдаш кум миллион теҥге гыч налыныт
           Марий Элыште вич врач илыме верым саемдаш кум миллион теҥге гыч налыныт. Республикын бюджетше гыч кум миллион теҥгем  тӱлымаш – тиде йодмаш дене пайдаланыше медицина специалист- влакым верыште кучен кодаш пайдале мера. Окса «Медицина кадр- влак» регионысо проект кышкарыште кумшо ий тӱлалтеш. 2024-ше ийыште ныл врач илыме вержым саемден. Специалист- влак Перинатал рӱдерын, Республикысе клиничсекий эмлыме верын, Республикысе психоневрологий диспансерын да Республикысе наркологий диспансерын штатшым пойдареныт.
            Кодшо ийын тиде программыш лу врач ушнен. Теният эше лу врач республиысе медицина организацийлаш толшаш: офтальмолог, патологоанатом, невролог, кум акушер-гинеколог, рентгенэндоваскуляр диагностике да эмлымаш дене врач, анестезиолог-реаниматор, фтизиатр да дерматовенеролог. Кызыт регионысо сосудистый рӱдерыште врач-невролог, туштак рентгенэндоваскуляр диагностике врач, Волжскысо эмлыме верыште акушер-гинеколог, противотуберкулёз диспансерыште врач-фтизиатр, коваште да венерологий диспансерыште врач-дерматолог пашам ышташ тӱналыныт. Ик гана оксам налше доктор паша ойпидыш дене келшышын медицина организацийыште лу ий пашам ыштышаш. Кызыт республикыште тӱрлӧ специальностян 247 врач огыт сите.
           Фото: ТСН 24.

Прошлые выпуски