Волжск деке лишемме корным ныл полосаным ыштат
Волжск деке лишемме корным ныл полосаным ыштат. Республикыштына Волжск ола воктелсе федерал корнын ужашыжым капитально олмыктат. Тиде Йошкар-Ола- Зеленодольск корнын 92-шо меҥгыже деч 95-ше меҥгыже марте ужаш нерген ойлалтеш. Капитально олмыктымо кышкарыште «Волго-Вятскуправтодор» виктемын специалистше- влак объектыште полоса- влакым кокыт гыч нылыт марте ешарат. Тиде ужашыште аварийно-лӱдыкшӧ путепроводым рончат, корнын профильжым тӧрлат, корно шартышым пеҥгыдемдат, ешарен у шартышым оптат. Автомобиль корнын тӱҥ ужашыштже асфальтым кок пачаш дене 15 сантиметр кӱжгыт марте пыштат. Тидыже шуко машиналан кошташ ӱшанле лиеш. Тушеч ик суткаште 30 тӱжем наре автомобиль кудал эрта. Корно- влак ушнымо вер- влакымат олмыктат вӱдым колтышо пучым ешарен шуят, вӱд йоген кайыже манын борт кӱым вераҥдат, лӱдыкшыдымӧ лийже манын ваштареш толшо потокым барьер дене ойырат. Тыгак корно палым да разметкым ыштат. Пашам апрельыште тӱналаш палемдыме, а капитально олмыктымо пашам 2027-ше мйын октябрьыште мучашлышаш улыт.
Фото: источник photogenica, автор amphoto
Фото: источник photogenica, автор amphoto
