Икымше марий ӱдырамаш- музыкантлан мемориал оҥам почыт

Йошкар-Олаште икымше марий ӱдырамаш музыкантлан мемориал оҥам вераҥдат. Йошкар-Оласе Советский уремын 151-ше пӧртшӧ пырдыжеш Марий АССР сымыктышын сулло деятельже Анна Сидушкиналан шарнымашан оҥам пижыктат. Тудым почмаш эрла 9 шагат эрдене лиеш. Анна Сидушкина кӱшыл специальный шинчымашым налше икымше марий ӱдырамаш-музыкант, кӱсле сымыктышлан негызым пыштыше. Тиддеч посна тудо ӱдырамаш- влак кокла гыч эн ончыч «Марий АССР сымыктышын сулло деятельже» Чап лӱм дене палемдалтын. Тений тудын шочмыжлан 105 ий темын.

Прошлые выпуски