Александр Евстифеев Российысе регионлам вияҥдыме шотышто Правительстве комиссий президиумын заседанийыштыже участвоватлен

Александр Евстифеев Российысе регионлам вияҥдыме шотышто Правительстве комиссий президиумын заседанийыштыже участвоватлен. Тудым видеоконфереций йӧн дене Россий Правительстве председательын алмаштышыже Марат Хуснуллин эртарен. Погынымаште регионлаште корным чоҥымо паша да автомобиль корнын опорный сетьшым ыштыме лектышыжым канашыме. Республике кӱкшытан тӱшкан пайдаланым корным вияҥдымаш мероприятий кышкарыште Марий Элыште тений Одобеляк- Куженер- Параньга корным, Йошкар-Ола-Уржум корнышто Немда эҥер гоч кӱварым, Звенигово-Шолеҥер-Морко корнышто Кожвож эҥер гоч кӱварым пужен ыштыме паша кая. Тыгак Марково- Руш Руй корным да Куяр-Солнечный-Роҥго корнышто Изи Кундыш гоч кӱварым пужен ышташ тӱҥалме. Республикысе бюджет гыч тиде пашалан 334 миллион теҥгем колтымо. Тыгак Йошкар-Олаште Киров ден Строитель- влак уремым ушышо магситарль чоҥалтеш. Яллаште корным чоҥымаш программе дене 7 объектыште 2025-ше ий марте пашам шукташ палемдыме. Нуно Марий Турек, Куженер, Советский, Курыкмарий, Шернур, Волжский да Морко районлаште верланеныт. Нине объектлан тений 408 миллион теҥгем палемдыме. Автомобиль корнын опорный сетьшым ыштыме шотышто ойлаш гын, Росавтодорын серышыж дене келшышын, Марий Эл опроный сетьыш пурташ республике кӱкшытан 435 меҥге кужыт корнын переченьжым колтен. Тыгак Козьмодемьянск ола гыч Коротниш Юл эҥер гыч ик меҥгат 900 метр кужытан кӱварым чоҥымо пашам пуртымо. Тений тиде перечньыште вашталтыш лийын. Кызытсе жаплан республике мучко опорный сетьын кужытшо 826 утла километрым эртен. Опорный сетьыш темлыме спискыш регион- влак кокласе да район рӱдӧ- влак дене ушен шогышо корнылам пуртымо.

Прошлые выпуски