Юл кундем округышто йоча сад- влак ончычсо режим дене пашам ышташ тӱҥалыт
Юл кундем округышто йоча сад- влак ончычсо режим дене пашам ышташ тӱҥалыт. Угарманыште тиде арнян почылтыныт гын, Удмуртийыште икымше сентябрь гыч йоча- влакым налыт. Марий Эл Правительствын у пунчалже дене келшышын, садикын пелыжым айлыме да группышто 12 еҥ деч шуко лийшаш огыл манме 8-ше апрельысе да 24-ше июльысо пунчал- влак вийыштым йомдарышылан шотлалтыт. Тыге 20-шо август гыч йоча сад- влак санитар-эпидемиологий правилым шотыш налын, шке пашаштым тӱрыс шукташ тӱҥалыныт.
