Александр Евстифеев республикысе туныктышо- влакын августысо конференцийыштышт лийын
Поро йӱла почеш у тунемме идалык вашеш Республикым вуйлатыше туныктышо пашаеҥ- влакын августысо конференцийштышт участвоватлен. Тудо Юлтехыште эртен. Пандемийлан кӧра форматше вашталтын да видеоконференц кыл йӧн дене эртен. Александр Евстифеев палемден: туныктымо алан пандемийлан кӧра лекше нелылык дене ик эн ончыч тӱкнен, но педагог-влак тиде ситуацийым кӱлеш семын сеҥен лектыныт. Айдемын вашмутланымашыжым нимоат вашталтен ок керт. Сандене очно тунеммашын кӱлешлыкше- шинчаончылно. Икымше сентябрьыште у тунемме ий очный формат дене тӱҥалеш. Республикыштына кажне ийын икымше классыш толшо- влак ешаралт шогат. Теният нуно лу тӱжем наре улыт. Тиде событий кажныжлан ойыртемалтше да волгыдо лийже, тунеммаш йӧнан да пайдале лийже манын ме тыршышаш улына.- каласен тудо. Нине йодышлам виктарен колташ калыкле проект- влак полшат. 2021-ше ий мучаш марте кум ийыш шудымо йоча- влаклан черетым пытараш кӱлеш. Тений ныл йоча сад ыштен шукталтшаш, вес ийынат- тынарак. Икмыняр кече гыч 15 школышто гуманитар да технологий профилян «Точка роста» рӱдер- влак почылтыт. Тений Йошкар-Олаште у школ, Волжскышто кокымшо корпус почылтеш, Медведевыште у тунемме тӧнежым чоҥаш тӱҥалме, кажне школышто олмыктымо пашам шуктымо. 64 туныктымо тӧнеж оборудованийым уэмдаш 140 миллион теҥгем налын, писе интернет деке чолган ушалтыт. Туныктышо- влак ончыкыжымат республикысе образований системын кӱкшӧ стандартшым шуктен шогышаш улыт. Тидын годым Александр Евстифеев республикысе туныктышо- влакым йоча- влакым патриотизм, Элым аралыше- влакым шарнымашым пагалыме, йӱлам да законым жаплыме шӱлышеш шуараш ӱжын. Марий Элым вуйлатыше туныктышо- влакын пашаштлан тауштен да награде- влакым кучыктен. «Марий Элысе образованийын сулло пашаеҥже» Чап лӱмым Курык марий район Кузнецово школ гыч туныктышо Виталий Бычков, Козьмодемьянскысе икымше школ гыч руш йылмым туныктышо Любовь Вагина, Косолоп школ-интернатым вуйлатышын алмаштышыже Елена Малинкина, Йошкар-Оласе 27-ше школ гыч физикым туныктышо Людмила Стрельникова, Йошкар-Оласе 4-ше гимназий гыч руш йылмым туныктышо Елена Волкова налыныт.
