Парыман- влак лӱдыкшым луктыт

Парыман- влак лӱдыкшым луктыт. Йошкар-Оласе 46 илыме вер организаций шушаш олтымо тургымлан ямде улмо шотышто паспортым налде кодын кертеш. Амалже- «Т Плюс» компаний ончылно погынышо парымышт. Тачысе кечылан нине компаний- влак ырыктымылан да шокшо вӱдлан 53 миллион теҥгем тӱлен огытыл. Эн кугу парыман- влак коклаште «Йӱдвел-касвел виктарыше компаний», «Куйбышево» ТСЖ, «Благоустройство-1» ЖЭУК, эСЖэУК, «Городок» виктарыше комапний. Парымышт ик тылзе дене гына огыл погынен, кодшо теле гычак шуйна. Тидын годымак нине компанийлаш пурышо пӧртлаште илыше- влак шукынжо коммунал полышлан жапыштыже тӱлен шогат. Лӱдыкшӧ улмым шотыш налын, «ЭнергосбыТ Плюсын» филиалже Йошкар-Ола администраций ден оласе прокуратурыш уверым колтен.

Прошлые выпуски