Оперативный штабын заседанийыштыже тунемме тӧнеж да вуз- влакын у тунемме ийым тӱналаш ямде улмышт нергенат ойлымо
Оперативный штабын заседанийыштыже тыгак тунемме тӧнеж да вуз- влакын у тунемме ийым тӱналаш ямде улмышт нерген ойлымо. Заседанийым республикым вуйлатыше Александр Евстифеев вӱден. Туныктыш министр Наталья Адамова увертарен: школ- влак кузе пашам ыштыме нерген ача-ава- влакым шижтарен шогышаш улыт. Сандене нунын сайтыштышт кӱлеш уверым вераҥдыме лиеш, класс- влак посна кбинетла пелен пеҥгыдемдалтыт, класс-влак ваш ышыныт тӱкнӧ манын, урок расписанийым посна ыштат, школыш пурымо годым фильтр пашам ышта, икымше сентябрьлан посна сценарий ямдылалтеш. Поро йӱлаш савырныше линейка ончычсо семын ок эртаралт. Лач икымше классыш толшо- влаклан гына икымше туныктышышт дене школыш торжественно пурымо пайрем лиеш. Термометр, южым эрыктыше оборудованийым, перчаткым , маскым, дезинфицироватлыше средствым, антисептикым налме. Республикым вуйлатыше чыла йодышымат радамын шоналтен лекташ да сай качестве дене очно туныкташ кӱлеш манын. Юлтех ден Марий университетым вуйлатыше- влакат кӱлын ямдылалтме, у тунемме идалыкым тӱҥалаш чарак уке маныныт. Йотэл гыч толшо студент- влак чылан ик жапыште огыл пӧртылыт. Нунын дене карантин мероприятий да лабораторный тергымаш эртаралтеш. Толын шогышо йотэл студент- влакым дистанционно туныктат. Тидлан тӱшкагудылаште посна пӧлем- влакым ямдылыме.
