Таче йӱдым корнышто кугу аварий лийын
Таче йӱдым корнышто кугу аварий лийын. Медведево районышто кок автобус, кок грузовик да кок легковушка тӱкненыт. ГАИ-н увертарымыже почеш ик шагат йӱд гутлаште Йошкар-Ола- Зеленодольск корнын 10-шо меҥгыштыже куд автомобиль ДТП-ш логалыныт. Прокуратурын ончыктымыжо почеш грузовикын водительже дистанцийым эскерен огыл да ончылно шогышо «Киров-Соль-Илецк» автобусыш миен керылтын. Вара черет семын «Лада Гранта», «Ауди», «Казань - Киров» рейс автобус ден КамАЗ тӱкненыт. Тыге ик грузовой автомобильжын водительже ӱмыр лугыч лийын, кум еҥ эмганен, иктыже ийготыш шудымо улмаш. Происшествий верыш регионысо Кугыжаныш автоинспекцийын вуйлатышыже- шамыч, следственно-оперативный группо миеныт. Медведево районын прокуратурыжо тергыме пашам контролироватла, мо- кузе лиймыже рашемдалтеш.
Фото: Кугыжаныш автоинспекций.
Фото: Кугыжаныш автоинспекций.
