Марий Элыште транспорт чарналтыш- влакым уэмдыме кугу программе тӱҥалын
Республикысе посёлкылаште калыкле тӱсан чарналтыш- влакым ыштыме. Марий Элыште транспорт чарналтыш- влакым уэмдыме кугу программе тӱҥалын. Тиде тӱналтыш «Качестван лӱдыкшыдымӧ корно» калыкле проект кышкарыште илышыш шыҥдаралтеш да тӱшка транспортын пассажирже- влаклан йӧным ышташ виктаралтын. У чарналтыш павильон- влакым марий тӱр дене сӧрасарат. Тидыже сылне тӱсым пурта да марий республикын тӱвыражым ончыкта. Павильоным кӱртньӧбетон гыч ыштыме. Тидыже пеҥгыдылыкым пуа да тӱрлӧ игечымат чыта. Кажныштыже ӱшанле леведыш, йӧнан теҥгыл, урно вераҥдалтеш. Тыгай чарналтышым ыштыме икымше илем- Советский посёлко лийын. Тудым посёлкын рӱдӧ кундемыштыже, калык коштмо кевыт- влак тураште вераҥдыме. Кучемын планыштыже вич ий жапыште чыла гаяк илемыште тыгайым шындаш шонымаш уло. Проектым шыҥдарашлан республикын бюджетше гыч 16 миллион теҥгем ойырымо. Павильонлам уэмдымаш республикым комплексно тӱзландарыме программышке пура. Чарналтыш деч посна воктелсе площадкылам асфальтироватлат, бордюпрым вашталтат, кӱлеш корно палым шындат.
Фото: Александр Герасименкон ВК.
Фото: Александр Герасименкон ВК.
