Туберкулёз чер ваштареш кучедалме кечылан пӧлеклалтше месячник тӱҥалын
Марий элыште туберкулёз чер ваштареш кучедалме кечылан пӧлеклалтше месячник тӱҥалын. Тиде кечыже 24-ше мартыште палемдалтеш. Кокымшо гыч 31-ше март марте Республикысе туберкулёз ваштареш кучедалше диспансер калыклан оксам тӱлыде флюорографий тергымашым эртара. Диспансерыште врач-фтизиатр деч умылтарымашым налаш лиеш. Йодышым тыгак 9 гыч 11 шагат марте 42-65-00 номеран ӱшан телефон дене пуаш лиеш. Тергымашым Пролетар уремысе 60-шо Б пӧртыштӧ 8 гыч 15 шагат марте эртыман.
