Тӱвыра министр ончыкылык план дене палдарен

Республикыштына эртыше ийысе тӱвыра пашам икешлыме. Эрик Сапаев лӱмеш кугыжаныш опера да балет академический театрыште тӱвыра министерствын кумдаҥдыме коллегийжын заседанийже эртен. Тӱвыра министр Константин Иванов палемден: эртыше ий поян да сай лектышан лийын. Шындыме тӱҥ задаче- влакым шуктымо. Тидлан тӱвыра тӧнежлаште тыршыше чыла пашаеҥ- влаклан тау, - манын тудо. Вара министр тений ыштышаш тӱҥ паша- влак нерген каласкален. Эн тӱҥжӧ- Шарнымаш да Чап идалык, Кугу Сеҥымашлан 75 ий темме, Марий Элын 100 ияш лӱмгечыже, «Тӱвыра» калыкле проект- улыт. Тений «Кугу афиша» проект умбакыже шыҥдаралтеш. Сеҥымаш кечын Эрик Сапаев лӱмеш театрыште кугу пайрем концерт лиеш. Тушто пӱтынь марий йоча коллектив- влак иквереш выступатлат: хор, калык семӱзгар оркестр да симфонический оркестр. Тиде кечынак Благовещений башне воктене Сеҥымаш кечын историй реконструкцийже лиеш. 26-шо апрель гыч профессионал калык коллектив- влакын «Семнадцать мгновений весны» фестивальышт тӱҥалеш. Тӱҥ площадкыже Чарла Кремль лиеш. Лӱмгече мероприятий- влаклан тоштер, архив- влакат ямдылалтыт. Шереметевмыт замкыште олмыктымо паша мубакыже шуйна, Евсеев лӱмеш тоштерыште да Козьмодемьянск оласе книгагудышто тӱзатыме сомыл тӱҥалшаш. Кӱлешан литературым лукмо планым ыштыме. Паша лектыш почеш посна тӱвыра тӧнеж да ойыртемалтше пашаеҥ- влакым палемдыме. Мучашлан пӱтынь марий йоча- влакын хорышт ден калык семӱзгар оркестрышт икымше гана пырля концертым ончыктеныт.

Прошлые выпуски