«Пеледыш айо» муро конкурс талукысо 50 эн сай событий коклашке пурен
Курык марий районышто эртаралтше «Пеледыш айо» Регион- влак кокласе кӱкшытан муро конкурс «Российыште туризм» компанийын версийже почеш талукысо 50 эн сай событий коклашке пурен. Пеледыш, муро да паша пайрем ик эн йӧратыме пайремыш савырнен. Тудын ойыртемалтше ужашыже- 500 утла еҥым чумырышо кугу хор. Тудо марий да руш автор- влакынат мурыштым мура. Тиддеч посна пайремыште тӱрлӧ конкурс, мастар- влакын ончерышт, спорт таҥасымаш, курык марий сийым тамлен ончымаш эртаралтыт. Иканаште икмыняр площадке пашам ышта. Кудо ужашыште районысо ялла дене палыме лияш лиеш. «Пеледыш айо» тений 10-шо июньын Сухин (Сиухино) ялыште эртаралтшаш,- увертара спорт-туризм министерстве.
Фото: Спорт-туризм министерстве.
Фото: Спорт-туризм министерстве.
