Юрий Зайцев Луганск областьыш миен

Юрий Зайцев Луганск областьыш миен
          Юрий Зайцев Луганск областьыш миен, Марий Эл гыч военнослужащий- влак дене вашлийын да нунылан мо кӱлешым рашемден. Паша дене мийыме жапыште тудо Луганск калык республикым вуйлатыше Леонид Пасечник дене вашлийын. Нуно кок регион коклаште вашкылым кучымо кумда корным каҥашеныт: поро кумыл полышым пуымо гыч тӱҥалын регионысо ситуаций да тӱвыра аланыште вашкыл марте йодыш- влакым лончыленыт. Юрий Зайцев куд илемыш миен: Луганск, Лисичанск, Кременной, Северодонецк, Новодружеск да Рубежныйыш. Тудысо сар кайыме вер деч 35 меҥге тораште гына верланен. Марий Элым вуйлатыше ден Правительство вуйлатышын алмаштышыже Степан Воронцов Марий Эл гыч налме военнослужащий, лӱман подразделений- реактивный батарей, ремонт рота, радиаций, химий да биологий аралтыш взводла дене вашлийын. Объективный амаллан кӧра чыла военнослужащий дене вашлияш йӧн лийын огыл. Частьлаште военнослужащий- влак дене мутланен, дислокаций верыштым да илыме йӧныштым ончен. Салтак- влак каласкаленыт: гуманитар грузын пытартыш тӱшкажым икмыняр кече ончыч гына налыныт, квадрокоптерлан, дрон ваштареш пычаллан, тепловизорлан тауштен ойленыт да чыла тидыже кредалмаште кӱлешан манын палемденыт. Юрий Зайцев умылтарен: тудлан шкаланже вашлиймаш да мо кӱлешым пален налмаш шергырак. Авада, пелашда, ака-шӱжарда тургыжланат, нунылан куштылго огыл. Ме лӱмын тендан службыда нерген пален налаш тышке толынна. Тиде пашам умбакыжат шуена. А ешланда могай полыш кӱлешым ме пуэн шогена.- каласен тудо. Лӱмын эртарыме сар операцийын участникше- влак марий, руш да татар йылме дене шке авашт, пелашышт, икшывышт да чыла земляклан поро саламым колтеныт.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски