Каныш годым 133 еҥ эмганымылан кӧра эмлыме верыш полышым йодын миен
У ий каныш жапыште Йошкар-Олаште тӱжемат 133 еҥ эмганен. Икымше номеран поликлиникын тӱҥ врачше Галина Варченкон мутшо почеш, чот яклака ий уке гынат, черле- влак ешаралтыт. 1-ше гыч 8-ше январь марте травматологийыш тӱжемат 133 еҥ полышым йодын миен. Пайрем жапыште медицина пашаеҥ- влак канен огытыл манаш лиеш: эмганыше- влак шуко лийынт. Тений петард дене йоҥылыш пайдаланымылан эмганыше- влак шагалрак лийыныт: кок еҥ: ик йоча да ик кугыеҥ. Ватрушко дене мунчалтыше- влакат сусыргеныт. Кодшо ийын петардлан кӧра ятыр еҥ полышым йодын миен. Нунын коклаште ик йоча да эсогыл 22 ияш рвезе лийыныт. А вашке полыш станцийыш кодшо ийын модаш йӧратыше- влак шуко йыҥгыртеныт.
