Республикым вуйлатыше журналист- влакым пайремышт дене саламлен
Шушаш шочмын Российысе печать кече палемдалтеш. Республикым вуйлатыше Александр Евстифеев тӱшка увер йӧнын, полиграфий предприятийын пашаеҥыштым, журналистикын ветеранже- влакым профессионал пайремышт дене саламла. Журналист профессий калык коклаште пагалымаш дене пайдалана, но кугу ответственность дене кылдалтын. Молан манаш гын, массовый информаций средствын пашаеҥже- влак илышым чын, шке шонымашым тушкыде да писын палдарышаш улыт. СМИ-лан кӧра республикысе калык кундемысе событий- влакым тӱткын эскерен кертеш. Мутлан, федерал рӱдер дене авиакыл уэш ышталтын, журналист- влак икымше да моло рейс- влак нерген увертарен шогеныт. Республике инвалид- влакын Россий кӱкшытан кумшо кеҥежымсе спартакиадыштым эртарыш. Тудын нерген статья, фото сӱрет- влак курымешлан историеш кодыт. Ончылно эшеат кӱлешан дата вуча- Республикылан 100 ий темеш. Тӱрлӧ проект- влакым илышыш шыҥдарымашке калыкым ушышаш улын. Мый ӱшанем: ме пырля, иквереш лӱмгече задаче- влакым сайын шуктена. Прессын пашаеҥже- влакым тыршен ыштыме пашаштлан, усталыкыштлан, шуко событий коклаште тӱҥжым ойырем моштымылан тауштем. Чылалан пеҥгыде тазалыкым, улан илышым, лектышан пашам да у сеҥымаш- влакым тыланем,- ойлалтше республикым вуйлатышын печать кече дене саламлымашыштыже.
