Кечалтше ийсӱсым ужат- вуйым ший
Йошкар-Олаште илыше- влак ийсӱслан виктарыше компанийыш вуйым шийын кертыт. Молан манаш гын, идалык еда леведыш гыч еҥ- влак ӱмбак лум да ий мунчалтен вола. Ола администрацийын тергыше пӧлкаже ден ола озанлык виктемын пашаеҥже- влакын ик эн тӱҥ сомылышт леведышыште лум ден ийын погынымыжым терген шогымаш. Мэрий ушештара: йодмашым шуктыдымылан республикысе законодательстве мутым кучаш шогалта. Должностной еҥ- влаклан 10 гыч 30 тӱжем теҥге марте, юридический лица- влак 60 гыч 100 тӱжем теҥге марте штрафым тӱлен кертыт. Сандене леведышыште шуко лумым да кечалтше ийсӱсым ужыда гын, виктарыше компанийыш йыҥгырташ кӱлеш.
