Кодшо каныш кечылаште гына утарыше- влак чодыра гыч корным йомдарыше лу еҥым луктыныт
Кызыт шуко еҥ чодыраш поҥгым кычалаш коштеш. Кодшо каныш кечылаште гына утарыше- влак чодыра гыч корным йомдарыше лу еҥым луктыныт. Нуно еҥ- влакым кычалаш вич гана коштыныт. Поҥгым да турнявӧчыжым погаш мийыше чыла лу еҥжымат илышым да тазам кычал муыныт. Мутлан, шуматкечын Медведево районысо Чуркан ер кундемыште поҥгым погышо 52 ияш пӧръеҥым кок шагат утла кычалыныт. Звенигово районышто кум пӧръеҥым кок шагат наре жап гыч корныш луктыныт. Сорочье ер кундемыште турнявӧчыжым погышо 35 ияш пӧръеҥ ден 33 ияш ӱдырамашым ныл шагат наре кычалын муыныт. Советский районысо Ӧрша кундемысе чодыраште 39 ияш пӧръеҥ корным йомдарен. Ик шагат йӱдлан гына тудым верештме. Звенигово районысо Чернозерский посёлко кундемыште рушарнян кок 73 ияш да 52 ияш пӧръеҥ поҥго погаш каеныт да йомыныт. Нуным куд шагат кычалмеке гына, чодыра гыч луктыныт.
