Кодшо шуматкечын «Росийын ечыгорныжо» Россий кӱкшытан ече дене тӱшкан куржталмаш эртен

Кодшо шуматкечын  «Росийын ечыгорныжо» Россий кӱкшытан ече дене тӱшкан куржталмаш эртен
           Кодшо шуматкечын  «Росийын ечыгорныжо» Россий кӱкшытан ече дене тӱшкан куржталмаш эртен. Марий Элыште тудын тӱҥ стартше Звенигво олаште лийын. Тудым почмашке Марий Элым вуйлатыше Юрий Зайцев миен. Куржталше- влакым саламлышыла тудо палемден: тиде ола спорт йӱлалан, ечызе да биатлонист-влакын сеҥымашыштлан поян. Тидымат ешарен: ече дене таҥасымаш йӱлашке пурен да  калыкын ик эн йӧратыме спортышкыжо савырнен, изижат-кугужат уло кумылын ече дене коштеш. Таҥасымашке 800 наре еҥ ушнен. Почмашке Чуваший гыч, чыла ола ден районла гыч  уна- влак толыныт.  Ечым йӧратыше- влак вич да лу меҥгыш таҥасеныт. Звениговыш мийыме годым Юрий Зайцев хоккеист- влак дене мутланен да символ шот  дене модаш тӱҥалаш шайбым кудалтен, «Виктория» олимпий резерв спорт школын биатлон да пуля дене лӱйкалыме пӧлкажын лӱйкалыме тиржым ончен, краеведений тоштерын площадкылаштыже, кидмастар- влак пӧртыш миен. Тушто ик кидмастар вуйлатышылан Марий Элын тӱрлымӧ картшым пӧлеклен. Тыгак тудо «Жемчужина» спорт да тазалыкым пеҥгыдемдыме комплексыш миен, спорт зал ден бассейным ончен.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски