Кокшайск селаште судын пунчалже почеш уэш эмгудо пункт почылтеш

Кокшайск селаште судын пунчалже почеш уэш эмгудо пункт почылтеш
            Кокшайск селаште судын пунчалже почеш уэш эмгудо пункт почылтеш. Звенигово районысо Кокшайск илемын ветеран- влак советше селаште эмгудо уке манын прокуратурыш вуйшиймашым возен. Селаште  эре тӱжемат пеле еҥ ила, кеҥежым тынарак ешаралтеш. Эмым налаш Звениговыш, Йошкар-Олаш але Новочебоксарскыш кошташ верештеш. Районын прокуратурыжо тазалыкаралтыш аланыште законодательствын йодмыжым шуктымым терген лектын. Селаште Звениговысо рӱдӧ эмлыме вер деч врач амбулаторий пашам ышта. Фармацевт сомылым шукташ лицензийже уло гынат, аптекым ыштыме огыл. Районын прокуроржо врач амбулаторийыште эмым ужалыме пашам виктараш манын судыш йодмашым колтен. Суд прокурорын йодмашыжым тӱрыс шуктен. Судын актшым илышыш шыҥдарыме пашам Республикын прокуратурыжо контрольышто куча.

Прошлые выпуски