Марий Элым вуйлатыше Россий ФСБ-н авиаций подразделенийлаже- влак коклаште ече дене таҥасымаште сеҥыше- влакым саламлен
Марий Элым вуйлатыше Россий ФСБ-н авиаций подразделенийлаже- влак коклаште ече дене таҥасымаште сеҥыше- влакым саламлен. Таҥасымаш Корта ял воктене эртен да авиацийын 100 ияш лӱмгечыжлан пӧлеклалтын. Тушто элысе 14 регион гыч 86 еҥ ӱчашен. Марий Элым вуйлатыше Юрий Зайцев спортсмен- влакым марий мландыш толмышт дене саламлен да ончыкыжымат сеҥымаш- влакым тыланен. ФСБ-н авиацийже калыкле лӱдыкшыдымылыкым ыштымаште кӱлешан задаче- влакым шукта манын палемден. Таҥасыше- влакым тыгак Россий ФСБ-н авиаций виктемжын кадр пӧлкакжым вуйлатыше, виктем вуйлатышын алмаштышыже Николай Щербаченко да республикысе эл кӧргӧ паша министр Андрей Вырвич саламленыт. Мучашлан Марий Элым вуйлатыше сеҥыше- влаклан наградым кучыктен
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
