Республикысе шуко пачеран пӧртлаште тений капитально олмыкташлан взнос кугемын

Республикысе шуко пачеран пӧртлаште тений капитально олмыкташлан взнос кугемын
             Республикысе шуко пачеран пӧртлаште тений капитально олмыкташлан взнос кугемын. Икымше январь гыч тудым Российысе регионла дене тӧр ыштыме. 2014-ше гыч 2023-шо ий марте Марий Элыште шуко пачеран 900 утла пӧртым олмыктымо. Шуко пачашан пӧрт- влакым тӱшка погым капитально олмыктымо программе почеш уэмдыме. Регионысо чоҥымаш министерствын увертарымыже почеш, закон дене келшышын пӧртласе тӱшка погым кучымо шотышто сомыл пӧлем оза- влак ӱмбалне улеш. Тушто илыше- влакын тӱлымӧ оксашт кӱшеш текущий да капитально олмыктымаш шукталтеш. Тышке пӧрт кӧргысо инженер системым, леведышым, пӧртйымалым, фасадым, негызым уэмдымаш, лифтым олмыктымаш да вашталтымаш, пӧрт тувырашым олмыктымаш пурат. Эн изи взносым республикын правительствыже палемда. Тений икымше январь гыч тиде пашалан ак капремонтым ышташ акын шергештмыжлан кӧра кугемын. Мутлан, чоҥымо материал шергештын. Ведомствыште палемдат: программым шыҥдарыме 9 ийыште эн изи взносын кугытшо кок гана гына вашталтын: 2017-ше да 2020-шо ийыште, идалык еда индексироватлалтын огыл. 2020-шо ийыште взносын кугытшо вич теҥгеат 40 ыр улмаш. Тидыже Российыште эн изи ак лийын. Таҥастарашлан: регионлаште кодшо ийын декабрьлан кокла ак 9 теҥге лийын. Тыге тений икымше январь гыч взносым российысе регион- влак дене тӧр ыштыме.

Прошлые выпуски