Кок арняште гына РВР калыкын соцсетьлаште вераҥдыме 400 утла обращенийжым ончен лектын

                    Эртыше кок арняште Республикым виктарыме рӱдер калыкын соцсетьлаште вераҥдыме 400 утла обращенийжым ончен лектын. Кучем ден калык коклаште кылым ыштыме тиде ойыртемалтше площадке шке кӱлешлыкшым пеҥгыдемден ончыкта. Февральыште гына 400 утла йодмаш пурен. Тушечын утларакше корным лум деч эрыкташ йодмаш улыт. Кокымшо верыште тӱшка верлам тӱзландарыме дене кылдалтше йодыш- влак. Тиддеч посна пучын шӱтлымыжӧ, ырыктыме йодыш, леведыш гыч ийым кораҥдыме, тӱшка транспортын начар коштымжо, социал полыш дене кылдалтше йодыш- влак калыкым тургыжландарат. Чыла йодышыжат «Инцидент Менеджмент» системыш пурен да кӱлеш ведомствылан колталтын. Шуко обращенийже Йошкар-Ола, Волжск администрацийлаш, транспорт министерствыш, Козьмодемьянск мэрийыш, тазалык аралтыш министерствыш виктаралтын.

Прошлые выпуски