Кугыеҥ- влак картинг дене таҥасеныт
Рӱдӧ олаштына картинг дене таҥасымаш эртен. Россий ДОСААФ-ын технический рӱдержын автодромыштыжо кугыеҥ- влак коклаште картинг дене таҥасымаш лийын. Тудо элна деч ӧрдыжтӧ службо порысым шуктышо Россиян- влакым шарнымылан пӧлекленыт. Меропритяийын унаже семын сарлан, пограничный войскан ветеранышт, мер организаций- влакын еҥышт лийыныт. Таҥасымаш тӱҥалме деч ончыч Марий Эл гыч интернационалист-воин-влакым ик тат шып шоген шарналтеныт. Йӱштӧ игечым ончыде, стартыш 33 спортсмен лектын. Пӱсӧ ӱчашымаш деч вара «Минск 18+» классыште сеҥышыш Дмитрий Меркушев, Андрей Черёмин да Николай Черёмин лектыныт. «Ветеран 18+» классыште эн ончылно Андрей ден Николай Черёминмыт да Иван Мурзин лийыныт. Ынде 21-ше февральыште ДОСААФ-ын автодромыштыжо Йошкар-Олаште картинг дене Республикын Чемпионатше эрта.
