Таче - студент отряд- влакын кечышт

                      2004-ше ий 17-ше февраль студент отряд- влакын толкыныштым уэш пӧртылтымӧ кечылан шотлалтеш. Тунам Москошто стройотряд толкынын 45 ияш лӱмгечыжлан пӧлеклалтше студент отряд- влакын Россий кӱкшытан икымше форумышт эртен. Тушто «Российысе Студент Отряд- влак» самырык мер толкыным ыштыме. Икымше гана Кугыжаныш кӱкшытыштӧ РСО кече 2016-шо ий 17-ше февральыште палемдалтын. Идалык еда республикыште да ӧрдыж кундемлаште тӱжем утла еҥан 40 отряд пашам ышта. Нуно чоҥымаште, вагонышто проводник, сервис, педагогик, специализированный корно дене тыршат. Республике деч посна Крым, Краснодар край, Ямал, Моско область, Санкт-Петербург, Новороссийскышкат коштыт. Таче Самырык- влакын полатыштышт тиде теме дене кылдалтше мероприятий- влак эртат.
Фото: https://gg12.ru/

Прошлые выпуски