«Йӱд оролым» англичан йылме денат лудыт

                      Денис Осокинын «Йӱд орол» ойлымашыжым англичан йылме дене Канадысе  «Эллипс» журнал савыктен. Ойлымашым писатель Ирина Садовина кусарен. Тидын нерген тӱвыра министерствын пресс-службыжо увертара. «Йӱд оролым» 2018-ше ийыште лӱмын Республикысе курчак театрыште спектакльым шындаш возымо. 2019-ше ийыште Денис Осокин пьесын авторжо семын театр сымыктыш аланыште Шкетан лӱмеш Марий Эл Кугыжаныш премийын лауреатше лийын. «Йӱд оролым» Денис Осокинын «Ноябрь гыч март марте пакча лӱдыктыш- влак» произведений сборникышкыже пуртымо. Тиде книгалан автор 2020-шо ийыште  Татарстан республикын Габдулла Тукай лӱмеш Кугыжаныш Премийже дене палемдалтын. Ушештарена: этнофутурист  мистерий кодшо ийын «Шӧртньӧ маске» Российысе калыкле театр премийым налын.

Прошлые выпуски