Республикыштына талантан йоча да самырык- влакым кычалаш тӱҥалыныт

                     Республикыштына талантан йоча да самырык- влакым кычалаш тӱҥалыныт. 15-ше февраль гыч сымыктыш да тӱвыралан туныктымо кластерыш приёмный кампаний тӱҥалын. Палантай лӱмеш тӱвыра да сымыктыш колледжын туныктышыжо- влак уста йоча да самырык тукымым чулымын кычалыт. Нуно чыла районышкат лектын коштыт. Тӱвыра министерствын увертарымыж почеш, туныктышо- влак йоча сымыктыш школлаште, общеобразовательный школлаште, йоча садлаште лийыт. Молан манаш гын, колледжыште тений гыч калыкле сымыктыш гимназий пашам ышташ тӱҥалеш. Пытартыш ийлаште тыгай кугу мероприятий икымше гана эртаралтеш да тудым тӱвыра министерстве виктарен шога. Йоча- влакым март кыдал марте тергат.
Фото: Яндекс.Дзен

Прошлые выпуски