Республикысе пожарный- влак тулым виктараш тунемыныт
Республикысе пожарный- влак тулым виктараш тунемыныт. Йошкар-Олаште кум кече жапыште «Тактический вентиляций» теме дене тунемме да методик семнар эртен. Тыгай методикым кучылтмаш тул дене кучедалше- влаклан тудым виктараш полша. Тактический вентиляцийын негызше- йӱлышӧ пӧртыштӧ южын темдыме куатшым да юж корныжым чолган вашталтымаш. Тыгай тактике тулым йӧртымӧ да шикшым кораҥдыме ик кӱлешан паша. Вес семынже тиде осал шикшым яндар юж дене вашталтымаш. Тудым йӱлышӧ пӧлемыш вентилятор полшымо дене пуат. Занятийым Моско гыч икымше классан утарыше Дмитрий Большаков эртарен. Тудлан Моско гычак толшо профессионал- влак полшеныт. Мероприятийыш Чуваш республике гычат пожарный- влак ушненыт. Семинарым теорий да практике ужашлан ойырымо. Практикыште тунемме шинчымашым тулым йӧртымаште кучылт ончымо.
Фото: https://12.mchs.gov.ru/
Фото: https://12.mchs.gov.ru/
