Кок тылзе утла пашадарым тӱлыдымлан уголовный пашам тарватыме
Республикысе ик предприятий шке пашаеҥже- влаклан кок миллион утла теҥге пашадарым тӱлен шуктен огыл. Волжскысо прокуратура пу конструкций- влакым ыштыше предприятийыште пашадарым тӱлымӧ пашам терген лектын. 42 пашазе июнь гыч сентябрь марте кок миллионат 300 тӱжем теҥге пашадарым налын огыл. Прокурор предприятийын учредительжылан представленийым возен, директорлан выговорым увертарыме. Тыге пашаеҥ- влаклан чыла парымым да компенсацийым пӧртылтымӧ. Тиддеч посна кок тылзе утла пашадарым тӱлыдымлан уголовный пашам тарватыме.
