Кокшайскыште у врач амбулаторий идалык мучаш марте пашам ышташ тӱҥалеш

Кокшайскыште у врач амбулаторий идалык мучаш марте пашам ышташ тӱҥалеш
             Республикын кучемже сӧрен: Кокшайскыште у врач амбулаторий идалык мучаш марте пашам ышташ тӱҥалеш. Звенигово районышто илыше Геннадий Изиляев Юл кундем федерал округышто Президентын полномочный представительже Игорь Комаров деке врач амбулаторийым чоҥен пытараш да селаште эмым ситараш полшаш йодмаш дене лектын. Игорь Комаров калыклан приёмым эртарен. Кызыт амбулаторий 1958-ше ийыште чоҥымо зданийыште верлана. Объектым «Тазалыкаралтышын первичный звеножым уэмдымаш» проект почеш чоҥаш тӱҥалме. Тиде пашалан 35 миллион теҥгем ойырымо. Калыклан приёмым эртарымаште лийше Юрий Зайцев ӱшандарен каласен: амбулаторий идалык мучашыште пашажым тӱҥалеш. Игорь Комаров чоҥымо пашам контрольышто кучаш кӱштен.

Прошлые выпуски