Килемар районышто у вӱдпучым июльышто пашаш колтат

Килемар районышто у вӱдпучым июльышто пашаш колтат
              Килемар районышто у вӱдпучым июльышто пашаш колтат. Визымйар посёлкышто у вӱдпучым чоҥымо паша мучашыш лишемеш. Тудо тӱжем утла илыше калыклан  чапле йӱшаш вӱдым ситара. Вӱдым ямдылыме станцийым вераҥдымылан кӧра вӱдыштӧ кӱртньӧ да румбык  йомеш. Объектым «Ару вӱд» федерал проектым шыҥдарыме кышкарыште чоҥаш йӧн лектын. Республикым вуйлатыше Юрий Зайцев чоҥымо пашам ончен лектын да тудо кугу социал кӱлешлыкан манын палемден. Верысе калык тудым кужун вучен. Пучын чот тоштеммыжлан кӧра чӱчкыдын аварий лиеден. Чоҥымылан кӧра тиде проблеме кораҥдалтеш да вӱдын качествеже саемеш. Тӱҥжӧ пашам жапыштыже шуктыман,- каласен республикым вуйлатыше. Тушко мийыме годым Юрий Зайцев Килемар район администрацийым вуйлатыше дене вияҥме задаче ден планым, калыкле проект ден регионын программыже- влакым шыҥдарыме радамым, лекше нелылыкым каҥашеныт. Районын утларак пӱсын шогышо йодышыжо- влакым виктараш Республикым вуйлатыше Марий Элын бюджетше гыч верысе корным олмыкташ ешарен лу миллион теҥгем ойыраш решенийым луктын. Тиддеч посна Арде ял илемын Тӱвыра пӧртшым капитально олмыкташ тӱҥалыт.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски