Марий университетыште Диссертаций совет почылтеш
Марий университетыште руш йылме да Российысе калык- влакын йылмышт дене Диссертаций совет почылтеш. Пытартыш ийлаште Российысе туныктыш да шанче министерстве пелен Кушыл аттестаций комиссий диссертаций совет- влакым оптимизироватлыме шотышто кугу пашам шуктен. Тыге шӱдӧ дене диссертаций совет петыралтын але пашажым чарен, Нунын пашашт шотышто у да пеҥгыде критерий да советын еҥже- влак декат пеҥгыдемдыме йодмаш пурталтын. Марий университетын шанчыеҥ ден сотрудникше- влак кугу пашам шуктеныт. Икымше июнь гыч Россий туныктыш министерстве Марий университет негызеш шанче кандидат, наука доктор учёный степеньлан диссертацийым аралыме шотышто советым ышташ разрешенийым пуымо нерген приказым луктын. Диссертацийым Руш литература да Российысе калык- влакын литературышт (филологий шанче- влак), Руш йылме, Российысе калык- влакын йылмышт (филологий шанче- влак) специальность дене аралаш лиеш.
