Марий Элым вуйлатыше 1941-ше 1945-ше ийласе Кугу Ачамланде сарыште кредалше- влаклан чапкӱм почмаште лийын
Марий Элым вуйлатыше 1941-ше 1945-ше ийласе Кугу Ачамланде сарыште кредалше- влаклан чапкӱм почмаште лийын. Тудым Килемар районысо Красный Мост посёлкышто чоҥымо. Проектым верысе инициативылан полышым пуымо программе кышкарыште ыштыме. Почмо годым Юрий Зайцев палемден: чапкӱм ышташ ялысе калык тӱҥалтышым ыштен,- тидыже куандара. Кугу сарын илышыштым наҥгайыме еҥ- влакым шарнаш кӱлеш. Тиде- мемнан калык, мемнан воин- влак. Кызыт Россий адак фашизм, неонацизм ваштареш кучедалмашке шогалын. Мемнан эллан эрыкан лиймаш, йоча шыргыжмаш, тыныс да улан илыш кузе нелын логалмым мондыман огыл. Килемар район администраций вуйлатыше Татьяна Обухова палемден: район гыч фронтыш кум тӱжем наре еҥ каен, кок тӱжем утлаже мӧҥгеш пӧртылын огыл. Тудо Юрий Зайцевлан «Верысе инициативе» программылан полшымыжлан тауштен ойлен. Республикым вуйлатыше Чапкӱ воктелсе постамент воктеке пеледыш аршашым пыштен да Юмын Архистратиг Михаилын Храмышкыже миен.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
