Рӱдӧ оласе у магистраль уремлан лӱмым пуаш йодыт
Оласе кучем уэш рӱдӧ оласе у магистраль уремлан лӱмым пуымо йодышым нӧлталын. Кодшо ийын сентябрьыште Киров урем ден Луначарский урем марте у магистральым пашаш колтымо. Тиддеч ончычат йодышым нӧлталме ыле. Тунам республикым вуйлатышын пашажым шуктышо Юрий Зайцев лӱмым пуымаш калыкын шонымашыжым шотыш налын ышталтшаш манын каласен. Лӱмым пуымо йодыш кызытат пӱсын шога. Тидлан ола администрацийыш тӱрлӧ йӧн дене шке темлымашым пуаш лиеш. Могай вариантше шукырак йӱкым пуа, ончыкыжым тудо уремын лӱмышкыжӧ савырнен кертеш.
