Тӱвыра министерстве коллегийын заседанийже эртен
Республикыштына Музыкальный училищыште, Наумовын пӧртыштыжӧ, Шереметев замкын иян нӧрепыштыже олмыктымо да реставраций пашам эртарат. Тӱвыра министерстве коллегийын заседанийыштыже тӱвыра поянлык объектла дене пайдаланыме да аралыме, отрасльыште кадр резервым ыштыме нерген мутланыме. Докладым тӱвыра министр Константин Иванов ыштен. Тудо палемден: тӱвыра поянлык объектым аралыме сферыште тений археологий поянлыкын 16 объектшын да 35 кӱсотын кумдык чекыштын проектше ямдылалтеш. Тыгак Музыкальный училищыште, Наумовын пӧртыштыжӧ, Шереметев замкын иян нӧрепыштыже олмыктен уэмдыме паша шукталтеш. Тенияк «Тӱвырам вияҥдымаш» кугыжаныш программе кышкарыште Параньга районысо Элнет ялыште черкым умбакыже уэмдат. Министрын алмаштышыже Михаил Матвеев заседанийыште отрасльын кадр резервшым ышташ кӱлмӧ нерген ушештарен. Тудо тӱвыра пашаеҥ- влакын шинчымаш кӱштышыт нӧлталтме шижалтеш манын палемден. 2012-шо ийыште 49 процент специалистын профилян образованийже лийын, 2022-шо ийыште- 65 процентын. Усталык специальность дене профессионал шинчымаш деч посна пашам ыштыше- влакын чотышт шагалемын.
Фото: «Марийская правда».
Фото: «Марийская правда».
