Константин Иванов кугыжаныш тӱвыра политикым шындарыме нерген каласкален

            Константин Иванов кугыжаныш тӱвыра политикым шындарыме нерген каласкален. Тӱвыра, печать да калык- влакын пашашт шотышто министр Константин Иванов Марий Кугыжаныш университетыште эртыше «Юл ден Чолман кундемысе калыкын тӱвыражым уэш пӧртылтымӧ йодыш- влак» шанче-практик конференцийыште «Тӱвыра да сымыктыш аланыште кугыжаныш тӱвыра политикым шыҥдарымаш: Марий Элын опытшо» теме дене докладым ыштен. Конференцийыш шанче, тӱвыра пашаеҥ, туныктыш органиазций да тӱвыра тӧнеж- влакын вуйлатыше ден пашаеҥышт погыненыт. Министр увертарен: «Тӱвыра» калыкле проектлан кӧра Марий филармонийын у полатшым чоҥен пытарыме, 12 тӱвыра да каныш тӧнежым пужен ыштыме але капитально олмыктымо, 7 модельный книгагудым, кум виртуал концерт залым почмо, 13 автоклубым налме. Тиде пашалан федерал бюджет гыч 705 миллионым, республикын казнаже гыч 201 миллион теҥгем ойырымо. Константин Иванов тыгак профессионал сымыктыш, тоштер, книгагудо аланыште шуктмо паша нерген ойлен.
           Фото: Тӱвыра министерстве.

Прошлые выпуски