Константин Косачёв «Шонымашым шуктышо кож» акцийыште участвоватлен

Константин Косачёв «Шонымашым шуктышо кож» акцийыште участвоватлен
               Константин Косачёв «Шонымашым шуктышо кож» акцийыште участвоватлен. У ий вашеш уло элна мучко йӱлаш пурышо «Ёлка желаний» акций эрта. Тудым Икымше- влакын толкынышт ямдылен. Акцийыште Федераций Советын сенаторжо- влакат участвоватленыт. Теҥгече кож гыч йоча- влакын шонен коштмыштым возыман открытке- влакым Федераций Советым вуйлатыше Валентина Матвиенко да моло парламентарий- влак мучыштарен налыныт. Нунын коклаште Федераций Советым вуйлатышын алмаштышыже, Марий Эл деч сенатор Константин Косачёв лийын. Тудо вигак кок открыткым налын. Козьмодемьянск гыч Никита Ягодкин мотоэкипировкым налаш шонымыжым возен. Акцийлан кӧра  тудын шонымашыже шукталтеш. Сенатор тыгак Моско область гыч ныл ияш Матвейын шонымашыжым шуктен. Тудо У ий деч ончыч йоча спорт комплектым налеш. Акций кышкарыште у ий шонымашым начар тазалыкан, инвалидностян, чот неле черан йоча- влак возен кертыт. Йодмашым тулык да ача-аван полышыжо деч посна кодшо йоча- влак, илен лекташ ситыше деч шагалрак парышым налше ешыште илыше йоча да Донецк, Луганск республике, Запорожский да Херсон областьлаште регистрироватлалтше йоча-шамыч  пуэн кертыт. «Шонымашым шуктышо кож» деке СВО-н участникше- влакын ешышт гыч икшыве да Белгород, Курск, Брянск областьлаште эре илыше але нине кундемла гыч ӧкым кайыше икшыве- влак ушнен кертыт.
           Фото: «Шонымашым шуктышо кож» Федераций Советыште.

Прошлые выпуски