Юрий Зайцев Кугыжаныш калыкле политикын Концепцийжым шындарыме шотышто Правительстве комиссийын заседанийжым эртарен

Юрий Зайцев Кугыжаныш калыкле политикын Концепцийжым шындарыме шотышто Правительстве комиссийын заседанийжым эртарен
            Юрий Зайцев Кугыжаныш калыкле политикын Концепцийжым шындарыме шотышто Правительстве комиссийын заседанийжым эртарен. Погынышо- влак исполнительный кучемын регионысо органже- влакын моло кундем гыч толшо- влакым верысе илышыш ушаш да социал-тӱвыра шӱлышлан туныктымо йодышыштым онченыт да шушаш ийлан комиссийын паша планжым палемденыт. Марий Элысе Кӧргӧ паша министерствын ончыктымыжо почеш миграций учетышто вич тӱжемат 407 йотэл еҥ шога. Тидыже кодшо ийысе тыгаяк жап деч вич наре процентлан шагалрак. Республикыш толшо- влак утларакшым Узбекистан гыч 24 утла процент, Индий гыч 20 процент, Таджикистан гыч 16 утла, Азербайджан гыч визытат пеле, Туркмений гыч шым утла процент улыт. Нуно тӱҥ шотышто тунемаш але пашам ышташ толыт. Калык да конфессий кокласе кыл шотышто социологий шымлымашын ончыктымыжо почеш тӱрлӧ калык кокласе кылым Марий Элысе калыкын 38 утла процентше сай манын аклен, 52 процентше удовлетворительный манын ончыктен. Шуко еҥже республикыште религий негызеш конфликт лийын ок керт манын шотла. Марий Элыште идалык еда йотэл еҥ- влак дене кылдалтше ятыр мероприятий эрта. Марий Элым вуйлатыше йотэл студент- влаклан руш йылмым сайын тунемаш кӱшыл тунемме тӧнежлаште ешартыш мероприятий- влакым ямдылаш кӱштен. Заседанийыште тыгак Куыжаныш калыкле политике концепцийым шыҥдарыме шотышто Правительстве комиссийын шушаш ийлан паша планжым пеҥгыдемденыт.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски