Федераций Советыште Республикым социал-экономик велым вияҥдаш кугыжаныш полышым пуымо йодышым онченыт
Федераций Советыште Республикым социал-экономик велым вияҥдаш кугыжаныш полышым пуымо йодышым онченыт. Совещаний видеоконференц кыл йӧн дене Россий Правительствыш да федерал кучем органлаш колтымо рекомендаций- влакым шыҥдарымылан пӧлеклалтын. Тиде темлымаш- влакым Российысе субъект- влакын кечышт кышкарыште приниматлыме улыт ыле. Федераций Советын да тӱн федерал министерстве ден ведомствылан еҥышт участвоватлыме заседанийыште куд регионлан полшымо да ешартыш полышым йодшо мероприятий- влакым каҥашыме. Куд регион коклашке Марий Элат пура. Правительстве вуйлатышын икымше алмаштышыже Дмитрий Троицкий палемден: Россий правительствын полшымыжлан кӧра тенийлан палемдыме 50 мероприятий гыч 15-ше дене йодышым виктарыме, тушко 13 объект пура. Кӱлешан сеҥымаш семын тудо палемден: Руэм посёлкышто 725 верлан школым чоҥымо, Республикысе йоча эмлыме верын инфекций корпусшым, рӱдӧ оласе 9-ше А микрорайонышто тӱжемат 100 верлан школым чоҥаш, вӱдым ситарыме кум объектым чоҥаш, Йошкар-Олаште канализацийын очистной сооруженийдым пужен ышташ (кокымшо черетшылан), Шоя-Кузнецово интернат-пӧртын пищеблокшым, «Таир» психоневрологий интернатын медицина корпусшым да Марий драма театрым капитально олмыкташ 2027-ше ий марте пашалан оксам ойырымо. Республикын оксаже кӱшеш Олимпий резерв училищын тунемме корпусшо ден тӱшкагудыжым пужен ышташ палемдыме. Визымше декабрьыште республикым социал-экономик велым вияҥдыме индивидуал программым 2025-ше 2030-шо ий марте пеҥгыдемдыме. Тиде пашалан 6 миллиард теҥгем палемдыме. Программе кышкарыште тугак Юл эҥерыште Юрино посёлко воктене да Кокшайск селаште пассажир причалым чоҥаш палемдыме. Дмитрий Троицкий тыгак вигак тӱткышым ойыраш да окса полышым пуаш кӱлешлыкым йодшо йодыш- влакым тарватен. Тиде аэропорт, окологий диспансерын поликлиникыже, «Ясная поляна» микрорайон ден Волжскысо «Машиностроитель» микрорайонышто школлам чоҥымо паша. Сенатор- влак темлымаш дене келшеныт да оксам ойыраш пунчалыныт. Федерал орган- влак ынде пашам шуктымым контрольышто кучаш тӱналыт.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
