«Туныктыш» калыкле проектлан кӧра Марий Элысе школлаште ныл тӱжем наре у верым ыштыме

«Туныктыш» калыкле проектлан кӧра Марий Элысе школлаште ныл тӱжем наре у верым ыштыме
             «Туныктыш» калыкле проектлан кӧра Марий Элысе школлаште ныл тӱжем наре у верым ыштыме. Правительствын заседанийыштыже туныктыш аланыште калыкле проектым шуктымым иктешлыме. Тӱҥ докладым туныктыш министрын алмаштышыже Андрей Сушенцов ыштен. «Туныктыш» калыкле проектым республикыштына 2019-ше ий гыч шыҥдараш тӱналме. Тиде пашалан ныл миллиардат 380 миллион теҥге федерал оксам, ик миллиардат 130 миллион теҥге республикын оксажым кучылтмо. 2019-ше гыч 2024-ше ий марте шым у школым чоҥымо. Тушто кум тӱжемат 991 у вер почылтын. «Точка роста» 105 рӱдер, 6 «Кванториум» йоча технопарк, «АйТи- куб» ешартыш шинчымашын 4 рӱдерже почылтын да пашам ыштат. Тидыже йочам ешартыш шинчымаш дене авалташ да 12 тӱжемат 476 верым ышташ йӧным пуэн. Проект полшымо дене пилотдымо авиаций систем дене кылдалтше 17 кружок ден  рӱдер пашам ышат.35 школышто физкультура дене кылым кучаш йӧным саемдыме, 52 мастерскойын материально техник базыжым уэмдыме, 254 тунемме тӧнежышке интернетым пуртымо да цифран тунемме йӧным шыҥдараш оборудованийым налме. Йоча- влакын моштымаш ден талантыштым пален налаш да вияҥдаш «Волгенче» регионысо рӱдерым ыштыме. «Земский учитель» программе школлашке 51 туныктышым кондаш йӧным пуэн. Калыкле проектым шыҥдарыме жапыште шӱдӧ баллым налше- влакын чотышт математике дене кумытат пеле гана, химий дене кум гана, биологий дене кокытат пеле гана, физике дене иктат пеле гана шукемыныт. ЕГЭ-ште математике ден физикым ойырен налше выпускник- влакын чотышт дене Марий Эл Российысе регион- влак коклаште икымше верым налын. Тунемше- влакын Россий кӱкшытан олимпиадыштын лектышыже почеш рейтингыште республике шке вержым 30 позицийлан саемден да 30 эн сай субъект коклаш пурен.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски