Марий Элысе аграрий- влак республикысе бюджетын полшымыжо дене 295 единице техникым налыныт

Марий Элысе аграрий- влак  республикысе бюджетын полшымыжо дене 295 единице техникым налыныт
              Марий Элысе аграрий- влак  республикысе бюджетын полшымыжо дене 295 единице техникым налыныт. Тений республикын бюджетше гыч агропромышленный комплексым технике велым модернизироватлаш 119 миллион утла теҥгем колтымо. Тидыже 53 аграрийлан 295 техникым налаш кучылтмо оксам пӧртылташ йӧным пуэн. Ял озанлык техникым да оборудованийым уэмдыме йодышым Марий Элым вуйлатышын эртарыме Правительствын заседанийыштыже каҥашыме. Ял озанлык министр Андрей Кондратенко уветарен: республикысе озанлыклаште машинно- трактор парк технике ден оборудований идалык еда уэмдалтеш. Тиде жаплан озанлык- влак техникым 644 единицым ик миллиардат 900 миллион теҥгелан налыныт. Республике аграрий- влаклан федерал кугыжаныш полышым намиен шуктымо дене ончылно кая. 99,9 процент шийвундым кучылтмо. Тичмаш налмаште кугыжаныш полыш ик миллиардат 300 миллион теҥге лийын. 2025-ше 2030-шо ий- влаклан 634 миллион теҥгем ойыраш палемдыме. Мероприятийым шуктымаш 140 пашаверым почаш, 2 миллиардат 800 миллион теҥге инвестицийым кондаш, 123 тӱжем тонн продукцийым лукташ, 152 миллион теҥге налог оксам погаш йӧным пуа.
           Фото: ВНД.

Прошлые выпуски