Пӧтъял школ у шӱлышым налын

Пӧтъял школ у шӱлышым налын
               Пӧтъял школ у шӱлышым налын. Тений республикыште куд школым капитально олмыктымо. Нунын коклаште Волжский районысо Пӧтъял школат уло. Пашан тичмаш акше 696 миллион теҥгеш шуын. Школ зданийын фасадшым, электроснабжений, ырыктыме да канализаций системым тӧрлымӧ, кӱвар ден тошкалтыш- влакым вашталтыме але ачалыме. Капитально олмыктымо деч вара тунемме тӧнеж туныктышо да тунемше- влак ончылно йӧршын у тӱс дене волгалтын, нуно чапле йӧнлан куанен коштыт. Директорын сомылжым шуктышо Светлана Чикаеван мутшо почеш тунемме йӧным саемдымаш шинчымашым пуымо пашаланат сай вашталтышым пуышаш. Проект почеш чылажат кызытсе илышлан келшен толшо лийшаш ыле. тыге окна- влакым, пурымо верым, кӧргӧ пӧлем- влакым уэмдыме, инженер коммуникацийым уэш ыштыме. Кабинетлашке у парт ден пӱкеным налме, интерактив панель ден доска- влакым вераҥдыме. Актовый да спорт зал, кабинет- влак уэмыныт. Тыге у  ийым тыште  юарлыше кумыл дене тӱналыныт.
           Фото: Римма Лукаева.

Прошлые выпуски