Республикыштына 2027-ше ий марте фиджитал – рӱдерым да ушан шым спорт площадкым ышташ шонат
Республикыштына 2027-ше ий марте фиджитал – рӱдерым да ушан шым спорт площадкым ышташ шонат. Федерал бюджет гыч Марий Эллан тиде пашалан 199 миллион теҥгем ойырымо лиеш. Фиджитал- рӱдерым чоҥымо йодышым Марий Элыш Россий Правительстве вуйлатышын алмаштышыже Дмитрий Чернышенкон толмыжо годым каҥашыме. Вице-премьер палемден: республикыште спорт дене чарныде кылым кучышо- влакын чотышт Российысе кокла показатель деч шукырак улеш. Марий Элыште спорт инфраструктура виян улеш, кугу тӱткыш отрасльым цифрыш трансформироватлымылан ойыралтеш. Сандене вияҥаш, фиджитал дисциплиныланат кӱлешан база уло. Правительствын заседанийыштыже «Бизнес-спринт (Мый спортым ойырен налам)» да «Демографий» калыкле проектын «Спорт- илышын нормыжо» федерал проектшын мероприятийже- влакым шыҥдарымашым иктешленыт. Республикысе спорт да туризм министерствым вуйлатыше Вера Пронина увертарен: 2023-шо ийын лектышыже почеш республикысе 57 утла процент калык физкультура да спорт дене эре кылым куча. 2019-ше ий годсек 15 ГТО площадкым, кум виш физкультурно-оздоровительный комплексым ыштыме. Кок стадионым, ик ФОК-ым, ик футбол пасум чоҥымо. Федерал проект почеш 2019-ше гыч 2024-ше ий марте мероприятий- влаклан 690 миллион теҥге оксам ойырымо. Тений республикыште 500 утла кугу мероприятийым эртарыме. Тушко 70 тӱжем утла еҥ ушнен. Кызыт регионышто тӱжемат 759 спорт сооружений пашам ышта. Спортым вияҥдымаште аккредитоватлыме 70 спорт федераций спортын 72 видше дене пашам ышта. «Бизнес-спринт» федерал проект почеш Семёновка селаште Олимпий резерв училищын модулян спорт залже чоҥалтеш. Тудын акше 214 миллион теҥгем эрта. Тушечын 78 миллионжо- федерал казна гыч, 136 миллион теҥгеже- республикын бюджетше гыч. «Бизнес- спринт» федерал проектын мероприятийже- влак 2030-шо ий марте шуйнат.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
